Jade4 estrea Desaparecer
O primeiro single de Jade4 con Rural xa está aquí. Dor, sarcasmo e unha pegadiza melodía pop. Dálle ao play.
Desaparecer xa está aquí. Jade4 estrea o seu primeiro single con Rural, gravado e producido por Carlos Hernández en El Castillo Alemán.
Hai relacións que rematan antes de que ninguén diga adeus. Desaparecer fala dese dó que comeza cando aínda estás coa outra persoa: asumir a súa ausencia, prepararte para o final e descubrir que, aínda así, doe máis do que esperabas.
Jade4 cóntao entre lembranzas, dor e sarcasmo. Porque, honestamente, non hai mellor maneira de contar as cousas. E máis se rodeamos todo isto dunha pegadiza e luminosa melodía pop. Non hai maior ironía que a que é capaz de producir a música.
O single chega acompañado dun videoclip con cámara de Dragosh Gursky e montaxe de Dragosh Gursky e Dani Ighlesias. Xa podes escoitar Desaparecer en Spotify e Apple Music e ver o vídeo na ficha do single.